UNICS vs REAL
Foto: euroleague.net
Reali mban kreun, mposht edhe Uncisin
9 February, 2017 @22:45
Real Madrid ka vazhduar me performanca të mira në Euroligë edhe sonte. Ekipi madrilen ka mposhtur Unicsin me rezultat të ngushtë në fund, 77-81.
Mirëpo, gjithçka u vendos 3 minuta para fundit të ndeshjes kur rezultati ishte 70-72 në të mirë të madrilenëve pas së cilës Othello Hunter shënoi 2 pikësh e në sulmin tjetër Anthony Randolph qëlloi për tre pikë për të ngritur epërsinë në 70-77 në të mirë të mysafirëve, që menaxhuan pastaj minutat e mbetura sigurt për fitore.
Më efikasi te Reali ka qenë Anthony Randolph me 19 pikë, ndërsa talenti Luka Doncic ka dhuruar 11 asistime për bashkëlojtarët në fitore.
Me këtë fitore, Real Madrid tash ka bilanc 17-5 dhe është lider, ndërsa Unics mbetet me 7-14 pranë fundit të tabelës.
