Rekordi i pikëve, LeBron James kalon edhe Abdul-Jabbarin

Ylli i Los Angeles Lakers, LeBron James, ka arritur të thyejë edhe rekordin e madh të Kareem Abdul-Jabbarit (75 vj.), duke u bërë koshashënuesi më i mirë i të gjitha kohërave në NBA.

Basketbollisti 38-vjeçar ka thënë se ky rekord do të thotë shumë për të, ndërsa në ndeshjen ku pritej të thyheshte rekordi, ka qenë prezent edhe vetë Jabbar, që i ka dhënë topin historik në ceremoninë për të bërë momentin e paharrueshëm.

“Ta pranosh këtë çmim në prezencë të legjendës dhe të madhit Kareem, do të thotë shumë për mua,” ka thënë James. LeBron dha 38 pikë në ndeshjen ku ekipi i tij u mposht nga Oklahoma City Thunder.

Ndërsa rekordi prej 38 mijë e 387 pikëve, i gjatë 39-vjet, i Jabbarit tashmë është në dorë të LeBronit, që ka arritur shifrën e 38 mijë e 390 pikëve në karrierë në NBA.