MATCH REPORT: NEWBASKET - FERONIKELI
Rexha e Hajzeri shkëlqejnë, NewBasket fiton
29 November, 2020 @12:45
Skuadra NewBasketit ka shënuar fitoren e tretë në Ligë të Parë duke e mposhtur ish-skuadrën e Superligës, Feronikeli, bindshëm në Sezai Surroi dje 99-74.
Dyshja Bardh Rexha dhe Hajriz Hajzeri kanë shkëlqyer në ndeshje, për të çuar te fitorja lehtë skuadrën.
Rexha shënoi 24 pikë, 11 kërcime e 2 asistime, ndërsa Hajzeri 20 pikë, 5 kërcime e 6 asistime në fitoren e skuadrës.
Në anën tjetër Feronikeli, që i bëri ballë vendasve vetëm në çerek të parë (19-18) me kalimin e kohës largohej nga fitorja, duke pësuar në fund.
Engjull Sollova shënoi 25 pikë e 6 asistime për ekipin e Drenasit, ndërsa ndihma nga bashkëlojtarët nuk doli të jetë e mjaftueshme për të arritur fitoren e dytë të stinorit për nikin.
Me fitore NewBasket bën bilansin 3-4 pas 7 ndeshjeve të zhvilluara, ndërsa Feronikeli ka 6 ndeshje të zhvilluara me bilans 1-5.
