ARBNOR RIFATI
Rifati: Kthimi i Dardanit dhe Lisit na zuri në befasi
18 March, 2021 @20:31
Ponte Prizreni me fitoren e sotme ndaj Pejës, e ka blinduar vendin e parë në tabelë.
Trajneri i skuadrës lidere, Arbnor Rifati, në deklaratën e tij pas ndeshjes ndër tjerash tha se ekipi i tij pati befasi në fillim, pasi që nuk ishte përgatitur për një Pejë me Dardan Berishën e Lis Shoshin.
“Nuk ishim të përgatitur për këtë Pejë. Në 3-4 ndeshjet e fundit u mungoi Dardani, paraqitja e Lisit ishte në pikëpyetje dhe të them të drejtën kemi bërë një skautim dhe një përgatitje ndaj dy ndeshjeve të fundit të cilat i luajti Peja. Kështu që kthimi i Dardanit dhe Lisit në fillim na zuri në befasi”, tha Rifati ndër tjerash.
Bardhezinjtë nga Prizreni këtë ndeshje e fituan me rezultat 97-115, megjithëse në fillim patën vështirësi të shumta ndaj verdhezinjve sidomos në aspektin e mbrojtjes.
