PEJA - YLLI
Rikthim senzacional nga lideri në “Karagaç”
27 January, 2022 @21:16
Me një rikthim senzacional, Ylli ia rrëmbeu nga dora fitoren e Pejës.
Kampioni aktual i Ligës Unike dhe i Superligës, Ylli, me peformancën që tregoi në çerekun e fundit, e mposhti kundërshtarin me rezultat 87-90.
Peja e kishte një epërsi prej 17 pikëve, derisa në çerekun e fundit duke shënuar 32 pikë dhe pësuar 16, Ylli arri një fitore të rëndësishme.
Në këtë ndeshje Ylli luajti pa Erjon Kastratin, derisa më i miri ishte Henrik Sirko, i cili luajti ndaj ish-skuadrës së tij me double-double prej 24 pikëve e 11 kërcimeve.
Sirko u ndihmua edhe nga Gëzim Morina me 22 pikë e 8 kërcime dhe nga Cameron Williams me 17 pikë.
Te Peja më i miri ishte Stephen Maxwell me 32 pikë. Ai gjatë ndeshjes u lëndua dhe luajti vetëm 27 minuta që ndikoi edhe në lojën e skuadrës pejane.
Fitorja e Ylli vlen përveç në Ligën Unike, vlen edhe në Superligë. Skuadra surahekase gjendet në krye të Ligës Unike me 8 fitore e 1 humbje, derisa në Superligë gjithashtu është në pozitën e parë me 13 fitore e 4 humbje.
Peja ka bilans prej 6 fitoreve e 3 humbje në Ligën Unike, kurse në Superligë me 11 fitore e 6 humbje gjendet gjithashtu në pozitën e dytë.
