SIGAL PRISHTINA
Risi te Prishtina sot
3 October, 2016 @21:46
Kampionja e Kosovës dhe Ligës Ballkanike, sot gjatë ditës ka bërë të ditur se ka përforcuar radhët e ekipit me basketbollistin kroat, Goran Vrbanc.
Vrbanc është shuter klasik. Ka luajtur për ekipe të njohura elite kroate si Zarën, Zagrebin, Rijekën dhe Cibonën, ndërsa ka përvojë edhe nga Euroliga në kohën kur kjo e fundit ka qenë pjesë e saj.
Basketbollisti në fjalë aktualisht është 31 vjeç, ndërsa së fundi ka qenë pjesë e ekipit hungarez Szolnoki Olaj ku ka pasur mesatare prej 9.3 pikëve dhe 2.5 kërcimeve për ndeshje.
VJEN MJ RHETT
Në ndërkohë, ekipi ka bërë të ditur se radhëve të skuadrës iu bashkangjit edhe përforcimi i paralajmëruar MJ Rhett. Ky i fundit arriti sot në aeroportin e Kosovës dhe menjëherë është shfaqur në stërvitje, ku nga afër i ka shikuar bashkëlojtarët e tij të ardhshëm.
Edhe kroati, por edhe Rhett do të jenë të gatshëm për ndeshjen e parë të stinorit, të cilën Sigal Prishtina e zhvillon ndaj Bashkimit në Prizren, që edhe është derbi i xhiros së parë të Superligës.
