PARA NDESHJES TREPÇA - PRISHTINA
Rivalët e vjetër përballen në ‘Minatori’
3 February, 2018 @12:11
Muaji shkurt në Superligën e Kosovës në basketboll nis me një nga përballjet mes rivalëve më të vjetër të sportit në fjalë.
Trepça dhe Sigal Prishtina takohen mes vete sonte me fillim nga ora 19:00 në ‘Minatori’ të Mitrovicës, në një duel i cili pritet të përcjellet nga shumë shikues, si në palestër, si në ekranet televizive.
Mitrovicasit në këtë duel futen më të përforcuar sesa që ishin në pjesën e parë të sezonit, ndërsa Sigal Prishtina pjesën e dytë të sezonit e nis me shumë largime dhe momentalisht përbëhet e gjitha nga lojtarë vendor, duke na bërë kështu që të presim një duel mjaft interesant.
GRANIT RUGOVA: OPTIMIST PËR FITORE
Sa i përket klasifikimit, Prishtina i prin tabelës me bilanc 17-0, derisa Trepça momentalisht ka bilanc 8-9 dhe synim ka arritjen e njërit prej 4 vendeve të para.
