GRANIT RUGOVA - PAS NDESHJES
Rivali ishte shumë i fortë
10 February, 2016 @13:24
Basketbollisti i Bashkimit Granit Rugova ka thënë se Bashkimi ka bërë gjithçka me fuqinë e tij mbrëmë ndaj Mornarit në Tivar, por rivali ka qenë shumë i fortë.
“Ne nuk arritëm të luanim më mirë ndaj një rivali kaq të fortë. I uroj ata për lojë të mirë dhe fitore. Ne e bëmë më të mirën tonë, por kjo nuk ishte e mjaftueshme për më shumë në këtë ndeshje,” ka thënë Rugova, shkruan faqja zyrtare e BIBL sot.
Bashkimi mbrëmë ka regjistruar humbjen e dytë me radhë në kuadër të Grupit C të BIBL. Ndeshjen e parë e humbën nga Teodo në Prizren, ndërsa mbrëmë si mysafir.
Bashkimi në ndeshjen e radhës udhëton drejt Bullgarisë për tu takuar me Beroen, që gjithashtu nuk ka fitore në Grupin C.
