Ronald Davis zyrtarisht te Peja

Basketbisti amerikan, Ronald Davis, është lojtari më i ri i skuadrës së Pejës.

Klubi verdhezi nëpërmjet faqes zyrtare në Facebook ka njoftuar se është arritur marrëveshje me amerikanin Davis, një basketbollist me përvojë që ka luajtur në skuadra të ndryshme nga Franca, Itaia, Ukraina, Greqia dhe Izraeli.

33 vjeçari 190 centimetra i gjatë, së fundi ka luajtur për skuadrën izraelite, Elitzur Ramla, ku ka pasur mesatare të lartë prej 16.3 pikëve.

Davis është bërë basketbollisti i tretë i huaj që është zyrtarizuar te skuadra pejane pas amerikanit Kevin Burwell dhe kroatit Nenad Delic.

Basketbollisti në fjalë pritet të arrijë këto ditë në Pejë, për t’i bashkuar stërvitjeve me skuadrën.