Rui Patricio ka vetëdije, shërohet shpejtë

Pas një lëndimi të tmerrshëm në kokë, kur u godit me bashkëlojtarin gjatë një dueli në mbrojtje, portieri i Wolves Rui Patricio është mirë - ka bërë të ditur trajneri i ekipit Nuno Espirito Santo.

“Ai është më mirë,” ka thënë Santo në deklaratën e tij pas humbjes nga Liverpooli.

“Ai ka vetëdije dhe mban në mend çka ka ndodhur përgjatë gjithë lojës dhe momentin e goditjes. Ai mund të flasë. Ndërsa mjeku na tha se gjithçka do të bëhet mirë,” ka shtuar Santo.

Patricio u godit me gju nga bashkëlojtari i tij Conor Coady, gjatë tentimit të dyshes për të mbrojtur portën nga tentimi i Mohamed Salahut, që shënoi por u anulua për shkak të ofsajdit.

RAPORTI I NDESHJES, VIDEO dhe TABELA