Rusi mposht liderin

Pas humbjes së parë të stinorit, Gjilani është këndellur shpejt. Në derbin e ditës, ekipi i drejtuar nga Arbnor Morina ka mposhtur Llapin e Tahir Batatinës me rezultat 2-0, për të përfunduar javën në vendin e tretë të klasifikimit.

Ka qenë sulmuesi Gzim Rusi që nuk ka falur portën e mysafirëve sot, duke shënuar dy herë për fitoren e ekipit të tij dhe ngritjen e ekipit në renditje.

TABELA AKTUALE

Rusi ka shënuar nga një gol në secilën pjesë në një ndeshje që u karakterizua me raste nga të dyja palët, ku portierët kishin mjaft punë.

Llapi nuk e humb lidershipin përkundër humbjes, duke mbyllur javën në pozitën e parë, derisa Gjilani tashmë i treti në klasifikim, mbyll javën në pozitën e tretë, me vetëm 3 pikë më pak se lideri, që e mposhti sot.

Në xhiron që vjen, Llapi pret Feronikelin në derbi, derisa Gjilani udhëton në Gjakovë për tu përballur me Vëllaznimin.