KUPA E KOSOVËS
BOROZANI/A. P.
Shorti i Kupës, tash me të fortit
5 November, 2017 @11:00
Pas dy raundeve të para të ndeshjeve të Kupës, të martën është vendosur që të mbahet shorti për rrethin e tretë të Kupës së Kosovës.
Ajo që vlen të theksohet është se përveç ekipeve të kualifikuara në rrethin e tretë nga dy raundet e mëparshme, do të futen edhe ekipet e Superligës, që nisin rrugëtimin e tyre drejt trofeut.
Shorti i rrethit të tretë të Kupës së Kosovës do të mbahet të martën më 7 nëntor 2017 me fillim në ora 13:00 në zyret e FFK-së.
Ekipet që përfshihen në short:
| Të kualifikuar në rrethin e tretë: | Kika, Rahoveci, Istogu, Rinia, Vitia, Ratkoci, Ramiz Sadiku, KEK, Vushtrria, Galaksia, Behari, Kosova P, Ulpiana, Arbëria dhe Ballkani. | ||
| Ekipet që i bashkangjiten Kupës: | Llapi, Prishtina, Drita, Liria, Gjilani, Trepça'89, Drenica, Feronikeli, Besa, Vëllaznimi, Vllaznia dhe Flamurtari. |
