BARAZIM NË PRIZREN!
Liria shpëton pikë ndaj Dritës
19 August, 2023 @19:48
Tre herë ka shënuar Drita në portën e Lirisë. Por, VAR ka anuluar të tre golat e ekipit gjilanas, derisa Liria përkundër rasteve nuk ka arritur të shënojë ende asnjë gol në Superligë dhe me rezultat të bardhë 0-0, ka fituar pikën e parë të stinorit në elitë ndaj kundërshtarit të fortë, nënkampionit aktual të Superligës.
Liria nisi më mirë ndeshjen, por rastet e Prins Tjiuezëss nuk kaluan Florian Smakiqin. Në anën tjetër Drita shënoi, së pari me Besnik Krasniqin, më pas në pjesë të dytë edhe me Albert Dabiqajn, por asnjëra nga tre golat të dytën nga Almir Ajzeraj - nuk kaloi VAR-in dhe kështu në fund ndeshja përfundoi baraz 0-0.
Liria me këtë merr pikën e parë të stinorit, ndërsa Drita pas fitores në xhiro të parë të stinorit, në të dytën, barazoi për të kapur pikën e katërt në dy ndeshjet e para të stinorit.
