DORTMUND - BAYERN
Bayerni shkel Dortmundin, forcon kreun
4 November, 2017 @20:22
Në duelin direkt mes dy prej skuadrave që po luftojnë për titull në Bundesligë, Bayerni e ka mposhtur me rezultat 1-3 Dortmundin, për ta treguar kështu autoritetin dhe dominimin total që kjo skuadër e ka në Bundesligë.
Robben, Lewandowski dhe Alaba shënuan për bavarezët sot, ndërsa vendasit golin e nderit e shënuan në fund përmes mbrojtësit Bartra.
Duhet përmendur fakti që me golin e shënuar sot, Arjen Robben bëhet jogjermani me më së shumti gola në histori të Bayernit. Holandezi sot e shënoi golin e 93-të me klubin bavarez.
Kjo fitore bën që Bayerni ta forcojë kreun, ndërsa Dortmundi bie në vendin e tretë, me Leipzigun që tashmë e ka ‘uzurpuar’ të dytin.
