VJELIN RIVALËT
Seria perfekte vazhdon
6 March, 2016 @18:59
Skuadra që po drejtohet nga Valentin Spaqi, KB Rahoveci, po vazhdon të mos shikojë kundërshtar në Ligë të Parë të Kosovës në basketboll.
Pa shumë telashe dhe me vendosmëri, basketbollistët e këtij ekipi kanë arritur të shënojnë edhe fitoren e radhës në Ligë të Parë për të vazhduar serinë perfekte aty.
Kjo ka qenë fitorja e 15 nga 15 xhiro të deritashme për vreshtarët, derisa rivali, Prishtina e Re ka pësuar disfatën e nëntë të stinorit dhe aktualisht gjendet në pozitën e shtatë me bilanc 6-9.
