BEST OF THE WEEK 8
BOROZANI/Erdis Driza
Shima i vetmi në TOP 10
23 December, 2013 @14:33
Tiranasi Gerti Shima që luan stinorin e dytë me Pejën, është lojtari i vetëm nga ekipet kosovare që ka arritur të futet në TOP 10 të basketbollistëve më të mirë të Balkan League në xhiron e fundit të vitit 2013.
Shima 204 centimetërsh është pozicionuar në vendin e gjashtë të dhjetëshes më të mirë të ligës dhe kjo është hera e parë për atë që renditet në TOP 10 të Balkan League, sipas Eurobasketit.
Përndryshe, vendin e parë e ka marrë basketbollisti amerikan i Galil Gilboas me performancën e tij pikërisht kundër Pejës, DeShawn Sims dhe pas tij kanë ardhur dyshja Jumaine Jones e Levski Sofias dhe Noah Dahlman i Balkan Botevgradit.
Shima ka arritur double-double në ndeshje ndaj Galil Gilboas me 12 pikë e 11 kërcime të realizuara.
Peja ka zhvilluar ndeshjen ndaj Galil Gilboas në Karagaç, derisa Sigal Prishtina ka pushuar në xhiron e fundit para ndërrimit të motmoteve.
