SUPERDERBI
KB Prishtina/ Qendrim Ternava
Shkelin Pejën dhe ia prishin serinë
7 February, 2016 @20:39
Superliga e Kosovës tashmë nuk ka asnjë skuadër të pamposhtur.
Ekipi i vetëm deri më tani që nuk kishte pësuar humbje, Peja, sot është ndarë kokulur nga Pallati i Rinisë dhe Sporteve në Prishtinë, pasi u mposht nga rivali i përbetuar, Sigal Prishtina.
Vendasit e krijuan dallimin nga fillimi i ndeshjes, duke krijuar epërsi dyshifrore qysh në çerekun e parë që përfundoi me rezultat 23-11.
Mungesa e Drilon Hajrizit dhe amerikanit Boo Davis te Peja u vërrejt mjaftë, ndërsa i rikthyeri te verdhezinjtë, Alban Veseli, u pa se nuk ishte në formën e tij më të mirë për shkak të mungesës së gjatë jashtë parketit.
Në anën tjetër, Sigal Prishtina e udhëhequr nga qendrat Mohamed Abukar e Jason Washburn, si dhe playmakeri Willie Kemp, u treguan të pandalshëm për mbrojtjen pejane.
Prishtina e priti fundin e ndeshjes me rehati të plotë pasi në çerekun e fundit hyri me epërsi prej 22 pikëve, 71-49.
Në fund, humbja në këtë ndeshje për Pejën ishte e pashmangshme, ndërsa në fund rezultati në semafor ishte 90-72
Kjo është humbja e parë e Pejës në Superligë pas 15 fitoreve rresht, ndërsa për Sigal Prishtinën ishte fitorja e 12, dhe njëkohësisht fitorja e parë ndaj Pejës në këtë stinor, pasi verdhezinjtë në tre ndeshjet e mëparshme përballë bardhekaltërve kishin arritur të shënojnë fitore (dy në Superligë dhe një në Superkupë).
Statistikat ekipore
| SIGAL PRISHTINA | PEJA | ||
| Çereku i parë | 23 | 11 | |
| Çereku i dytë | 21 | 20 | |
| Çereku i tretë | 27 | 18 | |
| Çereku i katërt | 19 | 23 | |
| Kërcime | 43 | 32 | |
| Asistime | 22 | 10 | |
| Bllokada | 3 | 0 | |
| Topa të vjedhur | 6 | 4 | |
| Topa të humbur | 12 | 10 | |
| Tentime për tre pikë | 11/32 (34%) | 9/33 (27%) | |
| Tentime nga loja | 29/62 (47%) | 22/66 (33%) | |
| Gjuajtje të lira | 21/30 (70%) | 19/23 (82%) |
Statistikat individuale te Sigal Prishtina
| 1 | Willie Kemp | 26 pikë | 4 kërcime | 2 asistime |
| 2 | Mohamed Abukar | 21 pikë | 7 kërcime | 3 asistime |
| 3 | Jason Washburn | 17 pikë | 11 kërcime | 2 asistime |
| 4 | Gëzim Morina | 9 pikë | 4 kërcime | 3 asistime |
| 5 | Stanimir Marinov | 4 pikë | 4 kërcime | 4 asistime |
| 6 | Andrew Warren | 4 pikë | 3 kërcime | 3 asistime |
| 7 | Edmond Azemi | 3 pikë | - | - |
| 8 | Gerti Shima | 3 pikë | 8 kërcime | - |
| 9 | Dardan Berisha | 3 pikë | 2 kërcime | 4 asistime |
| 10 | Rinor Peci | 0 pikë | 1 asistim | - |
| 11 | Mërgim Jakupi | 0 pikë |
Statistikat individuale te Peja
| 1 | Nicholas Covington | 27 pikë | 2 kërcime | 4 asistime |
| 2 | Nenad Delic | 11 pikë | 9 kërcime | - |
| 3 | Kevin Burwell | 11 pikë | 2 asistime | - |
| 4 | Fisnik Rugova | 10 pikë | 3 kërcime | - |
| 5 | Alban Veseli | 6 pikë | 6 kërcime | 1 asistim |
| 6 | Burim Zekiqi | 3 pikë | - | |
| 7 | Rron Grapci | 2 pikë | 6 kërcime | 2 asistime |
| 8 | Leonard Mekaj | 2 pikë | 2 kërcime | 1 asistim |
| 9 | Mirza Muric | 0 pikë | - | - |
| 10 | Samir Zekiqi | 0 pikë |
