EKSKLUZIVE
BOROZANI/Lis Dorambari
Si kaloi All Star Kosova 2014
1 April, 2014 @21:37
Ndeshja atraktive All Star që u mbajt në Suharekë sot për nder të ish kryetarit të Federatës së Basketbollit të Kosovës, Isuf Lumi, përfundoi me rezultat të barabartë 92-92, derisa loja në fund morri tërësisht kahjen e Show-it.
Kështu, derisa në sekondat e fundit të ndeshjes rezultati ishte i barabartë, sulmonin të huajt e Superligës dhe kishin rastin që të shënonin fitore, mirëpo, në përnjëherë banka e kosovarëve u fut në fushë të lojës dhe i bllokuan të huajt duke qenë dyfish më shumë basketbollistë aty!
E pasi që ndeshja përfundoi me rezultat të barabartë, miqësisht u vendos që të shutoheshin ‘penalltitë’ basketbollistike nga gjysma e fushës. Por pas 5 tentimeve nga të dyja palët asnjëri, as nga lojtarët vendorë e as nga ata ndërkombëtar nuk arriti që të shënojë, kështu Blerim Mazreku morri topin dhe shkoi për të ngulitur - për t’i dhënë fund ndeshjes.
Ajo çka vlen për tu përmendur ishte se Peja nuk kishte asnjë lojtar, përkundër se u tha se do të vinë. E as Arian Qallaku i Besës nuk ishte i pranishëm, derisa nga skuadrat tjera kishte së paku një përfaqësues, ku bënte pjesë edhe Artin Gashi - përkundër se nuk ishte në listën e paraqitur dje.
Sidoqoftë, ovacionet dhe duartrokitjet e publikut për shënime të bukura, lojë atraktive, ngulitje e edhe pasime me referë të ndeshjes - nuk munguan, që bën të pranishmit të ndjekin ndeshjen deri në fund, duke ditur qëllimin e organizimit të saj.
ALL STAR 2014:
| Vendorët - Të huajt | Rezultati sipas çerekëve: 20- 29, 39-40, 68-70, 92-92; |
Koshashënuesit e vendorëve
| 1 | Blerim Mazreku (Sigal Prishtina) | 30 pikë | ||
| 2 | Hekuran Binxhija (Trepça) | 12 pikë | ||
| 3 | Mustafë Merovci (RTV 21) | 11 pikë | ||
| 4 | Valentin Spaqi (Bashkimi) | 11 pikë | ||
| 5 | Valdrin Haxhiu (Trepça) | 10 pikë | ||
| 6 | Besnik Azemi (Trepça) | 6 pikë | ||
| 7 | Artin Gashi (Ylli) | 6 pikë | ||
| 8 | Urim Zenelaj (Sigal Prishtina) | 4 pikë | ||
| 9 | Arian Mehmeti (Drita) | 2 pikë | ||
| 10 | Trajner: Edin Kërveshi (Bashkimi) |
Koshashënuesit te të huajt
| 1 | Darrell Lampley (Bashkimi) | 25 pikë | ||
| 2 | Alvaro Calvo (Trepça) | 20 pikë | ||
| 3 | Rickey Young (Bashkimi) | 18 pikë | ||
| 4 | Kendrick Jones (Sigal Prishtina) | 8 pikë | ||
| 5 | Jenirro Bush (RTV 21) | 8 pikë | ||
| 6 | Andrejs Selakovs (Sigal Prishtina) | 4 pikë | ||
| 7 | Aaron Mitchell (Bashkimi) | 4 pikë | ||
| 8 | Jan Orfila (Trepça) | 3 pikë | ||
| 9 | Bryce Cartwright (Kastrioti) | 2 pikë | ||
| 10 | Trajner: Israel Martin (Trepça) |
