18 FITORE RRESHT
San Antonio po shkel
1 April, 2014 @11:00
Djelmoshat e trajnerit Gregg Popovich, nuk kanë ndër mend të ndalen. Në 18 ndeshjet e fundit, ata kanë shënuar vazhdimisht fitore.
Kësaj radhe, arritën ta mposhtin skuadrën më të fortë të Konferencës Lindore, Indiana Pacers, me rezultat 103-77.
Françezi Tony Parker, ishte më i miri tek mamuzat me 22 pikë, derisa u ndihmua nga bashkëkombasi i tij Boris Diaw me 14 sosh.
Në anën tjetër ylli i Indianës, Paul George, u dallua me 16 pikë po nuk ishin të mjaftueshëm për ta ndalur San Antonion në TOP formë.
Ekipi i Gregg Popovichit, gjendet në krye të Konferencës Perëndimore me 58 fitore e 16 humbje, ndërsa Indiana, me këtë humbje ia lëshoi pozitën e parë Miami Heatit, në Konferencën Lindore.
