Sixers në epërsi ndaj Hawks, Embiid përsëri me rekord

Pas humbjes në ndeshjen e parë të serisë, Philadelphia 76ers e mposhti Atlanta Hawksin në ndeshjen e tretë me rezultat 111-127 dhe kaloi në epërsi 2-1.

Qendra gjigande, Joel Embiid, përsëri ishte në skenë te Sixers. Ai në ndeshjen e dytë e kishte thyer rekordin personal të pikëve në Play Off, derisa në këtë ndeshje e theu edhe rekordin personal të asistimeve me 8 sosh.

Embiid në këtë ndeshje luajti me 27 pikë, 9 kërcime, 8 asistime e 3 bllokada.

Ndërsa te Atlanta u dallua Trae Young me 28 pikë e 8 asistime.

Ndeshja e katërt e serisë do të luhet më 15 qershor nga ora 1:30.