GAME 2: JAZZ - CLIPPERS
Mitchell përsëri në skenë, Utah udhëton në LA me avantazh
11 June, 2021 @12:33
Me performancën fenomenale të Donavan Mitchellit, Utah Jazz e mposhti Los Angeles Clippersat edhe në ndeshjen e dytë dhe kaloi në epërsi 2-0 në seri.
Ndeshja përfundoi me rezultat 117-111, derisa Mitchell ishte i pakapshëm përsëri sikurse në ndeshjen e parë.
Mitchell shkëlqeu me 37 pikë dhe ishte koshashënuesi më i mirë te Utah. Te Jazz u dalluan edhe Jordan Clarkson me 24 pikë dhe lojtari defansiv i vitit në NBA, Rudy Gobert, me 20 kërcime.
Te Clippers nuk mjaftuan 29 pikët e Reggie Jackson, 27 pikët e Paul George dhe 21 pikët e Kawhi Leonardit për fitore.
Ndeshja e tretë e serisë do të luhet më 13 qershor nga ora 2:30.
