GAME 2: SIXERS - HAWKS
Embiid me rekord, barazohet seria
9 June, 2021 @10:32
Philadelphia 76ers, e mposhti Atlanta Hawksin me rezultat 118-102 dhe e barazoi serinë në 1-1, në kuadër të gjysmëfinaleve të Play Offit në Konferencën Lindore.
Sixers kishte një epërsi konforte gjatë ndeshje deri në pjesën e dytë. Në pjesën e dytë të ndeshjes, Philadelphia nuk kishte kontribut nga banka, derisa këtë e shfrytëzoi Atlanta mirë dhe e ngushtoi epërsinë.
Më pas performanca fenomenale e Joel Embiidit, ia solli fitoren e parë në seri 76ers. Embiid duke shënuar 40 pikë, e theu rekordin personal në Play Off. Ai gjithashtu i rrëmbeu 13 kërcime.
Përveç Embiid, u dalluan edhe Tobias Harris me 22 pikë dhe Seth Curry me 21 pikë të tjera.
Te Atlanta Trae Young e Danilo Gallinari luajtën me nga 21 pikë secili, por nuk mjaftuan për fitore.
Ndeshja e tretë do të luhet në Atlanta më 12 qershor nga ora 1:30.
