BETEJA KALON NË MITROVICË
Foto: FBK
Sonte, dueli i dytë: Trepça-Prishtina
3 May, 2017 @10:35
Trepça pret Sigal Prishtinën në duelin e dytë të serisë gjysmëfinale të Play-Offit në kuadër të Superligës. Borozani.com
Sigal Prishtina, që po kërkon mbrojtjen e titullit të kampionit të Kosovës, fitoi duelin e parë në Pallatin e Rinisë dhe të Sporteve dhe morri epërsinë në seri 1-0.
Mirëpo, Trepça përkundër mungesave, me ata lojtarë që ka në ekip i ka bërë ballë mjaft bardhekaltërve në ndeshjen e parë.
Ky fakt, jep shpresa që në Minatori në prani të shikuesve vendas, Trepça ndoshta edhe të befasojë.
Në anën tjetër, bardhekaltërit kërkojnë të kryejnë punë shpejt, duke fituar dy ndeshjet e radhës për të kaluar sa më shpejt në finale!
Gjithsesi, gjithçka vendoset sonte sa i përket duelit të dytë, në ndeshjen që nis në ora 19:00.
Ndeshja e tretë është përcaktuar të zhvillohet të shtunën prej orës 19:00.
