EKSKLUZIVE
BOROZANI/Erdis Driza/Arkiv
Sonte vendoset kush po largohet
19 February, 2015 @13:21
Pas përfoljeve për largim të disa basketbollistëve nga Peja, Borozani.com ka kontaktuar me njeriu e parë në klub, kryetarin e verdhezinjëve, Art Gashi.
Në një prononcim të shkurtër ai ka bërë të ditur se nuk ka asgjë definitive ende, pasi që sonte takohet shtabi teknik dhe do të merr vendime.
“Nëse do të ketë largime ato do të vinë si arsye e mosangazhimit maksimal dhe jo seriozitetit në lojë, si dhe për shkak të numrit të limituar në të huajve në Superligë. Ndërsa numri i shtatë të huajve në ekip është bërë ashtu që trajneri të ketë mundësinë e përzgjedhjes më të lehtë të katërshes përfundimtare,” ka thënë Gashi ekskluzivisht për Borozani.com sot.
Lojtarët që po përfolen për largim nga Peja janë: Luka Petkovic, Chris Smith dhe Jaleel Nelson.
Peja ka pësuar dy humbje me radhë nga Craiova në Balkan League dhe ka humbur rastin që të plasohet direkt në Final Four dy xhiro më parë.
Ekipi nga Karagaçi edhe në ndeshjen e fundit ka mundësi që të kalojë në Final Four drejtpërdrejtë, nëse e mposht Mornarin e eliminuar si mysafir, kurse Kumanova mposht Craiovan, gjithashtu si mysafir.
