PLAY OFF
BOROZANI/ Erdis Driza
Sot nis maratona për titull!
5 May, 2013 @11:46
Sot në ora 19:00 do të jipet starti për maratonën basketbollistike, ku top-katër skuadrat e BKT Superligës do t’i matin forcat e tyre në playoff për të arritur deri te titulli i kampionit.
Përballja e parë do të jetë ajo ndërmjet Sigal Prishtinës dhe Sigkos Bashkimit që luhet në Pallatin e Rinisë dhe të Sporteve nga ora 19:00, derisa ende pa mbaruar kjo ndeshje, në ora 20:15 fillon dueli në palestrën Karagaçi ndërmjet Pejës dhe RTV 21.
Skuadrat vendase në letër duken më të favorizuara për të fituar sonte, por me siguri që as skuadrat mysafire nuk do të udhëtojnë me flamur të bardhë.
