1/8: SPANJA - TURQIA
fiba.com
Spanja nuk ndalet, vazhdon drejt çerekfinales
10 September, 2017 @20:16
Me lojë të mirë dhe pa shumë probleme, përfaqësuesja e Spanjës ka arritur ta eliminojë Turqinë vendase duke e mposhtur me rezultat 73-56, për të kaluar kështu në çerekfinale të kampionatit evropian.
Diferencën në pikë spanjollët e bënë në çerekun e parë dhe të fundit, ndërsa çereku i dytë dhe i tretë ishin më të barabartë.
Më i dalluari në këtë fitore të Spanjës ishte Ricky Rubio me 15 pikë, derisa pikë dyshifrore patën edhe vëllezërit Gasol e Sergio Rodriguez. Te turqit më i veçuari sonte ishte Korkmaz me gjithsej 20 pikë.
Në çerekfinale Spanjën e pret Gjermania, e cila gjithashtu nuk cilësohet rival i denjë për ‘Furinë e Kuqe’, e cila është favorite për ta fituar këtë kampionat evropian.
