Spurs pa telashe ndaj ‘demave’

Pa shumë telashe, duke dominuar në pjesën më të madhe të ndeshjes, San Antonio Spurs ka dalë fitues në përballje ndaj Chicago Bullsit sot në mëngjesin e hershëm me kohën tonë.

Derisa Kawhi Leonard ka luajtur me double-double prej 25 pikëve dhe 10 kërcimeve në fitoren 119-100, LaMarcus Aldridge ka shënuar 33 pikë dhe 1 kërcim i është dashur për të kompletuar double-double’in e tij.

Spanjolli Pau Gasol shënoi 12 pikë ndaj ish-skuadrës së tij, ndërsa Tony Parker kreu punën e tij standarde duke shpërndarë 8 asistime karshi 13 pikëve të shënuëara në fitoren e 24-të të ‘mamuzave’ pas 30 ndeshjeve.

Te Chicago më të dalluarit në humbje kanë qenë Dwyane Wade me 24 pikë dhe 6 kërcime, ndërsa Jimmy Butler ka shënuar 19 pikë e 5 kërcime.