CELTICS @ KNICKS
Isaiah Thomas duke shkuar drejt shënimit, derisa Kristaps Porzingis nuk arrin ta ndalë/ Foto: nba.com
Boston mbi New Yorkun
25 December, 2016 @21:19
Me 27 pikë të shënuara, 3 kërcime e 4 asistime, Isaiah Thomas, ka udhëhequr ekipin e tij Boston Celtics, drejt fitores në derbi ndaj New York Knicksit sonte 119-114.
Me këtë fitore Bostoni ka përmirësuar bilancin në 17-13, ndërsa përveç Thomasit, Jae Crowder (16 pikë + 6 kërcime) dhe Al Horford (15 pikë + 7 kërcime + 5 asistime) kanë qenë ndër më të dalluarit.
New Yorku udhëhoqi gjatë pjesës së parë të ndeshjes, ndërsa kah fundi i 20 minutëshit të parë Bostoni doli përpara për të mos e lëshuar deri në fund epërsinë, përkundër lojës së ngushtë.
Carmelo Anthony ka luajtur me 29 pikë dhe 7 kërcime sonte, ndërsa tejet të mirë janë treguar edhe Derrick Rose me 25 pikë e 5 kërcime si dhe Kristaps Porzingis me 22 pikë e 12 kërcime.
