REKORD
Foto: NBA
Steph Curry mbi të gjithë, gjuajtësi më i mirë në histori!
15 December, 2021 @9:35
Tashmë edhe zyrtarisht, Steph Curry është gjuajtësi më i mirë në histori të NBA!
Me 5 trepikëshat e shënuar e mbrëmë ndaj New Yorkut, Steph Curry tashmë ka më së shumti trepikësha të shënuar në histori të NBA, gjithsej 2974, një më shumë se Ray Allen i vendit të dytë (2973).
Takimi i mbrëmshem mes Knicks dhe Golden State Warriors përfundoi me rezultat 96-105 në të mirë të Warriors, e Steph Curry këtë takim e mbylli me 22 pikë të shënuara.
Rekordi në fjalë i Curryt duket edhe më i veçantë kur i shtohet fakti që këtë rekord Curry e ka arritur me 511 ndeshje më pak të luajtura sesa Ray Allen.
Lista e plotë e “shuterëve” më të mirë të trepikëshave në NBA.
