NESËR MBRËMA
Stinori i ri i BIBL nis në Prizren
15 October, 2018 @18:26
Stinori i njëmbëdhjetë i ligës ballkanike në basketboll starton në Prizren.
Dueli i parë i edicionit 2018/19 në BIBL do të zhvillohet në “Sezai Surroi” të Prizrenit, ku Bashkimi vendas pret ekipin bullgar, Beroe.
Bashkimi stinorin e kaluar ka arritur deri në finale të garës ku u mposht, duke përfunduar edicionin si nënkampion i garës, që ka qenë edhe paraqitja më e mirë e portokallezinjëve në këtë garë, në tre stinorë sa janë pjesë e saj.
Gjyqtarë të ndeshjes do të jenë: Vladan Sundic, Miloslav Kaludjerovic dhe Ervin Koci. Ndërsa dueli nis prej orës 19:30.
