TREPÇA - YLLI
Sulmohet gjyqtari, ndërprehet Trepça-Ylli
31 January, 2016 @17:51
Përballja më interesante e xhiros në Superligë, ndërmjet Trepçës dhe Yllit nuk ka gjetur fundin.
Ndeshja është ndërprerë 2.05 minuta pa përfunduar takimi, pranë rezultatit 73-70 për Trepçën, derisa bëhet e ditur se është sulmuar gjyqtari kryesor i ndeshjes, Xhelal Mumini.
Sa i përket ndeshjes, Trepça ka qenë në avantazh gjatë pjesës më të madhe të saj, ndërsa Ylli i është afruar dhe ka qenë pranë fundit dramatik, sa i përket lojës.
Burime të pakonfirmuara kanë bërë të ditur se sulmi ndaj referit ka ardhur nga tabori i mysafirëve, por e tëra pritet të sqarohet pas pak.
