DORTMUND - BENFICA
Super Aubameyang, Dortmundi kualifikohet
8 March, 2017 @22:45
Pas humbjes së pësuar në ndeshjen e parë në Portugali, përkundër faktit që Dortmundi ishte skuadër më e mirë edhe në atë takim, skuadra e gjermanit Tuchel e tregoi forcën në ndeshjen e luajtur sonte në Gjermani, duke shënuar një fitore të thellë dhe duke u bërë skuadra e dytë gjermane që e siguron çerekfinalen sivjet.
Gjithçka startoi furishëm për verdhezinjtë, me Aubemayangun që shënoi që në minutën e 4’. Sulmet e Dortmundit vazhduan edhe në vijim, mirëpo gola të tjerë në pjesën e parë nuk pati.
Spektakli i udhëhequr nga Aubameyang siç duket ishte ruajtur në pjesën e dytë, me këmbëshpejtin që shënoi edhe 2 herë të tjera në pjesën e dytë, për ta kompletuar hat-trickun personal dhe për t’ia siguruar kualifikimin skuadrës së tij. Goli tjetër erdhi nga Pulisic dhe Dortmundi e mbylli takimin me ‘poker’ golash 4-0.
