Super fitore, Prishtina njofton me humbje rumunët

Sigal Prishtina ka arritur të shënojë fitore tepër të rëndësishme sonte ndaj Energias rumune. Kjo e fundit deri sonte ka qenë e pamposhtur në Grupin K dhe fitorja ka qenë imperativ për bardhekaltërit, gjë që edhe e arritën krejt në fund, duke luajtur krejt ekipi mirë dhe duke luftuar për çdo top në parket. 

Pas dështimit të Khalid El Aminit që të shënojë 40 sekonda para fundit, Dardan Berisha në akcionin e radhës vodhi një top për Prishtinën, ku sulmin me sukses e përfundoi Gëzim Morina - që çoi tribunat në Pallatin e Rinisë në festë në sekondat e fundit të ndeshjes. 

Mohamed Abukar ka qenë lojtar më efikas te Sigal Prishtina me 19 pikë të shënuara, derisa përveç tij, asnjëri nuk arriti të shënojë pikë dyshifrore te bardhekaltërit. Vetëm në fund të ndeshjes, Marjan Ilievski morri frymë thellë, pasi që gjatë gjithë takimit ka qenë në presion të madh për fitore. 

Khalid El Amin shënoi 9, derisa Gëzim Morina e Stanimir Marinov nga 8 pikë në fitoren e dytë të Prishtinës në grup. 

Te mysafirët më të dalluar kanë qenë Callistus Eziukwu me 15, pastaj Porter Troupe me 12 dhe Lamont Mack me 13 pikë. 

Pjesa e parë e ndeshjes kaloi krejtësisht barabartë, derisa çereku i tretë i takoi me 11 epërsi Prishtinës, e në çerekun e fundit rumunët zvogëluan epërsinë deri në 66-62 përfundimtare. 

TABELA AKTUALE E GRUPIT K:

Energia RUM	7 pikë	4 ndeshje
AEK Larnaca QIP	6 pikë	4 ndeshje
Sigal Prishtina KOS	6 pikë	4 ndeshje
Astana KAZ	5 pikë	4 ndeshje

Statistikat individuale te Prishtina

1	Mohamed Abukar	19 pikë	2 kërcime	2 asistime
2	Khalid El-Amin	9 pikë	4 kërcime	3 asistime
3	Stanimir Marinov	8 pikë	3 kërcime	10 asistime
4	Gëzim Morina	8 pikë	3 kërcime	-
5	Yll Kacaniku	7 pikë	5 kërcime	3 asistime
6	Blerim Mazreku	6 pikë	3 kërcime	2 asistime
7	Jason Washburn	4 pikë	4 kërcime	-
8	Dardan Berisha	3 pikë	11 kërcime	2 asistime
9	Edmond Azemi	2 pikë	3 kërcime	-
10	Gazmend Sinani	0 pikë	1 kërcim	-

Statistikat individuale te Energia

1	Porter Troupe	12 pikë	1 kërcim	3 asistime
2	Callistus Eziukwu	15 pikë	12 kërcime	-
3	Szabolcs Santa	0 pikë	1 kërcim	-
4	Lamont Mack	13 pikë	7 kërcime	2 asistime
5	Lazar Radosavljevic	3 pikë	1 kërcim	2 asistime
6	Paris Horne	8 pikë	4 kërcime	1 asistim
7	Baris Aktas	2 pikë	3 kërcime	-
8	Jamar Diggs	9 pikë	6 kërcime	2 asistime