Superderbi, sonte

Dy ekipet që thanë fjalën kryesore në basketbollin kosovar këtë stinor, por edhe në vitin e kaluar, Peja e Sigal Prishtina, ndeshen për herë të fundit para garave të Play-Offit. 

Karagaçi i Pejës sot pret për të parë një fitore që ndoshta do t’i bënte ata liderë në rast të fitores me mbi 20 pikë, përndryshe Sigal Prishtina do ta përfundojë stinorin në vend të parë - dhe do të merr përparësinë e terrenit vendas në Play-Off, por edhe në finale - natyrisht nëse skuadrat s’gabojnë në ndeshjet e mbetura. 

Në ndeshjet e deritashme të Superligës, Sigal Prishtina ka mposhtur Pejën dy herë, derisa kampionja ka arritur një fitore. 

Sa i përket ndeshjeve të Kupës, Sigal Prishtina e fitoi ndeshjen, ku Peja lëshoi palestrën në Final Four të Kupës. E më vonë edhe fitoi Kupën e Kosovës në basketboll, duke e mbrojtur titullin. 

Në përballjet e skuadrave në BIBL, Sigal Prishtina mposhti Pejën në dy takime, jashtë e brenda. 

E tash pejanët kërkojnë të rikthehen në lojë me një fitore potenciale ndaj prishtinasve. 

Samir Shaptahovic është treguar të jetë në formë tejet të mirë këto ditë, derisa atij pritet t’i vijë ndihma kryesore nga të huajt: George Odufuwa, Mario Edwards e Teo Simovic, pasi që lojtari më i mirë i tyre dhe më me përvojë, Fred House, ka lëshuar ekipin. 

Sigal Prishtina do të bazohet në ekipin që ka pasur edhe në ndeshjet e kaluara, largo këtu dyshen e ardhur së fundi, Andrejs Selakovs dhe Jamar Diggs, të cilët u larguan nga ekipi me përfundimin e stinorit në BIBL.

Për më tepër, gjithçka do të vendoset në Karagaçin e nxehtë sonte - ku luhet derbi i fundit para Play-Offit.  

Rezultatet dhe tabela aktuale.

SUPERLIGA, Sonte:

TË GJITHA Përballjet e stinorit: