Të gatshëm për trofe

I lumtur nga fitorja e madhe ndaj Pejës së pamposhtur deri sot në Superligë, Antonis Constantinides, ka thënë se tashmë e sheh ekipin të gatshëm për trofe. 

“I përgëzoj lojtarët dhe jam tepër i lumtur për rezultatin e ndeshjes. Ishim gjatë gjithë kohës në epërsi të thellë dhe kjo tregon se jemi të gatshëm që të luftojmë për trofetë,” ka thënë trajneri i Prishtinës pas ndeshjes. 

Constantinides ende nuk di për humbje me Sigal Prishtinën prej se e ka marrë drejtimin e ekipit në janar të këtij viti. 

Sigal Prishtina ka kapur serinë prej 8-0 në të gjitha garat, ndërsa ia ka shkaktuar humbjen e parë Pejës në Superligë këtë stinor, pas 15 ndeshjeve.