Të motivuar për gj’finale

Bashkimi kishte befasuar për të mirë në mesjavë, kur u kthye me fitore nga Tivati i Malit të Zi, duke e mposhtur Teodon e pamposhtur deri në këtë xhiro. 

Me këtë fitore, Bashkimi tash ka shpresa për gjysmëfinale, por, duhet të shënojë fitore në përballjet e radhës ndaj Beroes dhe Mornarit. 

“Fitorja ndaj Teodos na mundësoi të jemi ende në lojë për vend të dytë. Në këtë ndeshje ne treguam çfarë potenciali kemi. Tani jemi të motivuar dhe do të bëjmë çmos për të fituar edhe ndeshjet në vazhdim dhe të shkojmë në gjysmëfinale,” ka thënë për Kosovën Sot, Granit Rugova, basketbollisti më i mirë vendor i Bashkimit këtë stinor. 

TABELA DHE NDESHJET E RADHËS

Bashkimi pas kësaj ndeshjeje ka bilanc 1-3 ndërsa dy ndeshjet e ardhshme do t’i luajë si vendas në “Sezai Surroi”.