Tensione në Skënderaj, 5 kartona të kuq në fitoren e Drenicës

Dy skuadrat që do të jenë rivalë mes veti edhe në gjysmëfinale të Kupës së Kosovës, zhvilluan një “test” paraprak sot.

Drenica dhe Llapi zhvilluan një përballje me plot tension në stadiumin “Bajram Aliu” të Skenderajt, ndërsa në fund fitore shënoi skuadra vendase.

Gjyqtari kryesor i ndeshjes, Bajram Gashi, u detyrua hiq më pak se 5 herë ta fut dorën në xhep, për ta nxjerr kartonin e kuq, duke i përjashtuar 5 lojtarë, 3 nga Llapi dhe 2 nga Drenica.

Në pjesën e parë të ndeshjes nuk kishte shumë raste, ndërsa mundësinë më të mirë e kishte Taulant Dajaku i Drenicës, i cili megjithatë nuk arriti ta ndryshoj rezultatin.

Në pjesën e dytë Drenica u tregua më e rrezikshme, duke synuar ta gjej golin me anë të Drilon Osmanit, por që portieri llapjan u tregua më i vëmendshëm.

Situata filloi të kaloj nga kontrolli që nga minuta 66’ kur Lumbardh Salihu i Llapit u ndëshkua me të kuqe, ndërsa menjëherë më pas Taulant Dajaku e kaloi Drenicën në epërsi. E me të kuqe u ndëshkua edhe Edon Zeqiri i Llapit.

Kjo bëri që trajneri Tahir Batatina ta lë ndeshjen në gjysmë duke i larguar futbollistët e tij nga fusha, por që më pas përsëri u bind për ta vazhduar ndeshjen.

Pasi futbollistët e Llapit u kthyen në fushë, Drenica gjeti edhe golin e dytë me anë të Kreshnik Lushtakut, ndërsa më pas edhe Shkelzen Lushtaku e Dukagjin Gashi të Drenicës dhe Egzon Sinani i Llapit u ndëshkuan me të kuqe, por gola të tjerë më nuk pati dhe takimi u mbyll me shifrat 2-0.

TABELA AKTUALE