Tirana e nis me humbje në BIBL

Stinorin e ri të BIBL, KB Tirana e ka nisur me humbje dhe atë të thellë në duelin e sontëm të zhvilluar në Gjevgjeli ndaj Blokotehnas.

Bardhekaltërit nga kryeqyetit shqiptar janë mposhtur me 32 pikë epërsi nga ekipi maqedon, 100-68.

Endrit Hysenagolli nuk i ka mjaftuar Tiranës sonte, përkundër performancës koloasale të treguar me 33 pikë e 7 kërcime, derisa Gerti Shima shtoi 11 pikë e 5 asistime tjera.

Në anën tjetër, te ekipi maqedon, që në xhiron e radhës e pret Bashkimin e Prizrenit, ka shkëlqyer Dwayne Benjamin me 25 pikë e 9 kërcime, ndërsa Goran Glavchev ka shtuar 21 pikë tjera në fitoren e parë të stinorit për Blokotehnan në BIBL.

Në duelin tjetër të zhvilluar sot, Ibri i Rozhajës u mposht nga Akademik Bultex me rezultat 83-94.