Tirana fiton derbin ndaj Vllaznisë

Në derbin e basketbollit të Shqipërisë, Tirana ka shënuar fitore ndaj Vllaznisë së Shkodrës, për të forcuar kryesimin e Superligës shqiptare.

Bardhekaltërit kanë mposhtur rivalët shkodranë 73-67 sonte në “Farie Hoti” për të regjistruar fitoren e dhjetë të stinorit.

Gerti Shima dhe Endrit Hysenagolli kanë shkëlqyer te Tirana, duke shënuar baskë 43 pikë, prej të cilave 23 Gerti e 20 Endriti. Ky i fundit kreu ndeshjen me double-double duke regjistruar edhe 15 kërcime tjera në fitore.

Në anën tjetër, te Vllaznia më efikasi ka qenë amerikane Joshua Freelove që shënoi 23 pikë. Përveç tij vetëm edhe Seth Jackson shënoi pikë dyshifrore, 18 sosh,në ekipin e Bledar Gjeçajt që regjistroi humbjen e tretë të stinorit sonte.

Pas këtij dueli Tirana ka bilanc 10-1 ndërsa Vllaznia 6-5.