TEAM OF THE WEEK
TOP 5-shja e javës në Ligën e Femrave (IV)
16 November, 2020 @19:59
Pas ndeshjeve të përfunduara të xhiros së katërt në Ligën e Femrave në basketboll, TopSporti.com ka përzgjedhur pesëshen e javës bazuar në performancat individuale të lojtareve.
Në pesëshen e zgjedhur nuk ka lojtare nga ndeshja Prishtina - Penza, pasi që kjo ndeshje do të luhet më vonë.
Ekipin e javës e përbëjnë: Arbnore Përquku (Bashkimi), Raven Baker (Vëllaznimi), Sihana Ramoja (Trepça) , Sarah MgBeike (Vëllaznimi) dhe Jaleesa Avery (Bashkimi).
Vashat e Bashkimit e mposhtën Kastriotin me rekord pikë për sivjet 116-42.
Për skuadrën prizrenase shkëlqyen Arbnore Përquku dhe Jaleesa Avery me double-double. Përquku luajti me 22 pikë e 12 asistime, kurse Avery me 15 pikë e 10 kërcime.
Vëllaznimi e mposhti edhe Trepçën me rezultat 43-73 dhe e regjistroi fitoren e katërt rresht.
Përsëri gjetën vend në TOP 5-shen e javës dyshja amerikane Raven Baker dhe Sarah Mgbeike. Baker u veçua me 29 pikë, 14 kërcime e 4 asistime, kurse Mgbeike me 27 pikë, 25 kërcime e 6 asistime.
Në humbjen e Trepçës ndaj Vëllaznimit, më e dalluara te skuadra mitrovicase ishte Sihana Ramoja. Ramoja kundër ish-skuadrës luajti me 16 pikë, 7 kërcime e 2 asistime, për ta kompletuar pesëshen e javës së katërt në Ligën e Femrave.
