TEAM OF THE WEEK 11
TOP 5-shja e javës në Superligë (XI)
7 December, 2018 @17:14
Pas ndeshjeve të përfunduara të xhiros së njëmbëdhjetë të Superligës së Kosovës në basketboll, TopSporti.com ka përzgjedhur pesëshen e javës bazuar në performancat individuale të lojtarëve.
Ekipin e javës e përbëjnë këta lojtarë: Musab Mala (Lipjani), Samir Zekiqi (Trepça), Artin Gashi (Ylli), Jordan Capps (Bashkimi), Khalid Boukichou (Prishtina).
Musab Mala në fitoren e dytë të stinorit për Lipjanin, ishte njëri ndër më të mirët në parket. Ai kundër Boreas luajti me 27 pikë, 9 kërcime e 3 asistime.
Samir Zekiqi i Trepçës, me 28 pikë e 7 kërcime, luajti rolin kryesor në fitoren kundër Rahovecit.
Te Ylli Artin Gashi, u dallua me 25 pikë e 7 kërcime, në ndeshjen kundër Prizrenit.
Jordan Capps i Bashkimit, krahas humbjes kundër Prishtinës, luajti me double-double prej 26 pikëve e 10 kërcimeve.
Khalid Boukichou i Prishtinës, në fitoren kundër Bashkimit ishte i pakapshëm. Qendra gjigande luajti me 30 pikë, 8 kërcime e 6 asistime, ku ishte më i miri te nënkampioni i Kosovës.
