RAPTORS - BUCKS @ GAME 5
Toronto merr epërsinë, 1 hap larg gjysmëfinales
25 April, 2017 @10:49
Me fitoren e Torontos u mbyll ndeshja e pestë e një prej dueleve më interesante të raundit të parë të playoffit në NBA, fitore kjo që i jep avantazhin 3-2 Torontos pas 5 ndeshjeve të zhvilluara.
Diferencën kanadezët e bënë në çerekun e parë dhe të tretë, duke krijuar epërsi solide, e cila ishte e pamundur të përmbysej nga Bucks, të cilët ishin nën udhëheqjen e të zakonshmit Giannis Antetokounmpo. ‘Ante’ takimin e mbylli me 30 pikë, 3 asistime e 9 kërcime, por këto ishin të pamjaftueshme për të shënuar fitore në ‘Air Canada Center’.
Në anën tjetër, te skuadra fituese më i dalluari ishte Powell me 25 pikë, derisa kontribut gjithashtu dhanë edhe Lowry, Ibaka e DeRozan.
Fitorja në këtë ndeshje e afron shumë Toronton me gjysmëfinalen e Lindjes, kur dihet që i mjafton vetëm edhe 1 fitore për t’u kualifikuar, ndërsa Milwaukeet, që ka disavantazhin e terrenit, i duhen 2.
