Trajneri i Teodos: Bashkimi është favorit!!!

Para duelit të sotëm të BIBL ndërmjet Bashkimit dhe Teodos që zhvillohet në Tivat të Malit të Zi, trajneri i Teodos ka dhënë një deklaratë interesante para ndeshjes.

Ai është shprehur se Bashkimi është favorit para kësaj ndeshjeje dhe është arsyetuar për këtë me ekipin e dobët që e ka.

“Bashkimi është favorit për këtë ndeshje. Mund të them këtë sepse çdo ekip në grup është më i mirë se i joni. Të jem i sinqertë, do të isha i kënaqur edhe me një fitore të vetme në grup, por ne që tash i kemi dy fitore,” ka thënë Miodrag Kadija, trajner i ekipit të Teodos sot, shkruan faqja zyrtare e BIBL.

Për më tepër, ai ka shtuar se ekipi i tij është i lodhur nga ndeshjet kampionale dhe nuk beson te energjia e lojtarëve të tij.

“Shpresoj të bëjmë më të mirën ndaj ekipit prizrenas. Do të luajë fortë, por ekipi është lodhur nga ndeshjet kampionale. Shpresoj që të kthejmë energjinë tonë në këtë ndeshje. Duhet të luajmë gjithsesi fortë,” ka thënë trajneri i Teodos që ka 2 fitore nga 3 ndeshjet e para të grupit.