FITORE E RËNDËSISHME E YLLIT SONTE
Trepça e varfëruar, mposhtet nga Ylli
21 November, 2015 @22:14
Skuadra e Trepçës aktualisht ka mbetur pa asnjë përforcim që kishte ardhur në afatin kalimtar. E as ata të paralajmëruar për tani nuk janë pjesë e skuadrës dhe humbja e tyre nga Ylli, ka qenë e pashmangshme sonte në Suharekë.
Kjo fitore ka qenë shumë e rëndësishme për Yllin, që tashmë me kthimin e Urim Zenelajt në ekip do të tentojë të befasojë edhe ndonjë skuadër tjetër nga pjesa e epërme e tabelës, derisa sonte dy amerikanët e ekipit suharekas bashkë me Altin Morinën dhe Egzon Kuqin kanë shënuar pikë dyshifrore për ekipin e Agron Berishës.
Në anën tjetër, te Trepça, Korab Prekazi ka shënuar 29 pikë, 6 kërcime e 3 asistime për ekipin e tij në humbjen e tretë të stinorit.
Vlen të përmendet se sonte ka luajtur për mitrovicasit edhe Artin Gashi, që erdhi pikërisht nga Ylli aty, duke i shënuar ish skuadrës së tij 9 pikë.
Në fund, Ylli u tregua më i fortë në përgjithësi, duke shënuar fitore të lehtë ndaj mitrovicasve të varfëruar me rezultat 98-71.
Statistikat ekipore
| Ylli | Trepça | ||
| Çereku i parë | 32 | 13 | |
| Çereku i dytë | 18 | 19 | |
| Çereku i tretë | 31 | 25 | |
| Çereku i katërt | 17 | 14 | |
| Kërcime | 50 | 38 | |
| Asistime | 25 | 15 | |
| Bllokada | 9 | 0 | |
| Topa të vjedhur | 8 | 2 | |
| Topa të humbur | 11 | 15 | |
| Tentime për tre pikë | 14/33 (42%) | 5/16 (31%) | |
| Tentime nga loja | 37/75 (49%) | 29/77 (37%) | |
| Tentime nga gjuatjet e lira | 10/20 (50%) | 8/17 (47%) |
Statistikat individuale te Ylli
| 1 | Landon Aterrberry | 27 pikë | 5 kërcime | 2 asistime |
| 2 | Altin Morina | 20 pikë | 8 asistime | 7 kërcime |
| 3 | Montreal Scott | 20 pikë | 7 asistime | 5 kërcime |
| 4 | Egzon Kuqi | 11 pikë | 3 kërcime | 2 asistime |
| 5 | Urim Zenelaj | 9 pikë | 15 kërcime | 2 asistime |
| 6 | Salajdin Hysenaj | 7 pikë | 5 kërcime | 1 asistim |
| 7 | Kreshnik Juniku | 4 pikë | 2 kërcime | - |
| 8 | Erris Nushi | 0 pikë | 2 asistime | 1 kërcim |
| 9 | Egzon Berisha | 0 pikë | 1 kërcim | - |
Statistikat individuale te Trepça
| 1 | Korab Prekazi | 29 pikë | 6 kërcime | 3 asistime |
| 2 | Gazmend Asllani | 10 pikë | 5 kërcime | 2 asistime |
| 3 | Agon Selmani | 10 pikë | 3 kërcime | 3 asistime |
| 4 | Besnik Azemi | 9 pikë | 10 kërcime | 4 asistime |
| 5 | Artin Gashi | 9 pikë | 5 kërcime | 1 asistim |
| 6 | Arian Tahiri | 2 pikë | 4 kërcime | 2 asistime |
| 7 | Musab Malaj | 2 pikë | 1 kërcim | - |
