MITROVICË
Trepça regjistron Rhymesin
27 January, 2016 @23:38
Kenneth Rhymes, pritet të jetë përforcimi i radhës për ekipin e Trepçës, pasi që këta të fundit e kanë paraqitur këtë lojtar për regjistrim në Federatën e Basketbollit të Kosovës (FBK) sot.
Njoftimin e ka dhënë FBK-ja përmes një shkrimi në web faqen zyrtare të tyre, ndërsa Rhymes së fundi ka luajtur te ekipi Banska Bystrica në elitën e sllovake të basketbollit.
Lojtari në fjalë është 196 centimetra i gjatë dhe 24 vjeçar, kurse luan në pozitën 1.
Rhymes ka zhvilluar 16 ndeshje me ekipin sllovak dhe ka pasur mestare prej 16 minutash në ndeshje, ku ka shënuar mesatare prej 7.6 pikëve, 1.3 asistimeve dhe 3.2 kërcimeve.
Trepça është aktualisht e katërta në Superligë dhe po lufton për një vend në Play-Off, derisa ka siguruar sot edhe Final Fourin e Kupës me fitore ndaj AS Kastriotit.
