FIBA
Turku Demirel, kryetar i FIBA Europe
17 May, 2014 @17:55
Kreu i Federatës së Basketbollit të Turqisë, Turgay Demirel, ka arritur qëllimin e tij të kahmotshëm - të bëhet kryetar i FIBA Europe.
Në mbledhjen e federatave anëtare të FIBA Europe sot në Munich të Gjermanisë, Demirel ka marrë shumicën e votave nga anëtarët, duke e lënë pas tij kandidatin tjetër të vetëm për kryetar, Daniel Dimevski, nga Maqedonia.
Demirel 57 vjeç, është shprehur i nderuar dhe ka falenderuar të gjitha vendet e Europës për besimin e dhënë.
Ai njihet si mik i Kosovës dhe ka qenë në vizitë në vendin tonë, ku ka premtuar edhe punë për njohje ndërkombëtare të Kosovës në basketbollin europian.
Demirel do të ketë mandat katërvjeçar në krye të FIBA Europe.
