Premi për fitoret

Bashkimi pas fitores së parë ndaj Pejës këtë stinor ka shpërblyer basketbollistët e tij me bonus prej 20% shtesë, sipas rrogës që e kanë lojtarët. 

Fitorja e Bashkimit në ndeshjen e dytë të serisë gjysmëfinale të Play-Offit në Sezai Surroi që barazoi serinë në 1-1, bëri që prizrenasit të motivohen shumë para ndeshjes vendimtare që zhvillohet nesër në Pejë. 

Kjo ka shtyer drejtuesit e klubit që tu japin basketbollistëve bonuse për këtë fitore, ndërsa burime të Borozani.com brenda klubit prizrenas njoftojnë se Bashkimi do t’i shpërblejë basketbollistët edhe me një bonus tjetër shtesë në rast se arrijnë të kalojnë në finale të Play-Offit.