GAME 4: HEAT - CELTICS
Tyler “Herro” i ndeshjes, Miami afër finales
24 September, 2020 @8:43
Skuadra e Miami Heat, duke e mposhtur Bostonin edhe në ndeshjen e katërt të serisë me rezultat 112-109, është 1 fitore larg finales së madhe në NBA.
Lojtari i ndeshjes ishte padyshim Tyler Herro. Ai luajti me 37 pikë, që ishte shifra më e lartë e tij në Play-Off, derisa shënoi 5 herë nga vija e treshit, që ishte një tjeter rekord në karrierën e tij në Play Off.
Përveç Herros te Miami u dalluan edhe Jimmy Butler me 24 pikë, Goran Dragic me 22 pikë dhe Bam Adebayo me 20 pikë e 11 kërcime.
Te Bostoni Jayson Tatum me 28 pikë ishte koshashënuesi më i mirë, derisa u ndihmua edhe nga Jaylen Brown me 21 pikë dhe Kemba Walker me 20 pikë të tjera.
Miami Heat është 3-1 në epërsi në seri dhe tani Bostoni duhet t’i fitojë të gjitha ndeshjet e mbetura për t’u mos eliminuar nga Play Offi.
Ndeshja e pestë e serisë do të luhet më 26 shtator.
