Vedat Muriqi vendimtar, Mallorca mposhtë Atleticon

Pas shtatë humbjeve radhazi, Mallorca ka arritur të shënojë fitoren e parë në La Liga dhe atë ndaj Atletico Madridit me rezultat minimal 1-0.

Golin e vetëm dhe vendimtar të ndeshjes e ka shënuar sulmuesi i Kosovës, Vedat Muriqi, që tundi portën e Jan Oblakut në minutën e 68 të ndeshjes për t’ia sjellë tre pikët e para trajnerit të ri të ekipit, Javier Aguirre.

Mallorca është në zonë të rrezikshme (herë në, herë mbi) të LaLigas dhe në xhirot e mbetura do të kërkojë secilën pikë të mundshme për të shpëtuar stinorin në La Liga.