Vëllaznimi afër mbijetesës

Vëllaznimi, skuadra e renditur si e parafundit në BKT Superligë këtë stinor, ka arritur të mposht në finale të ndeshjes së parë të Play Outit Kastriotin e Ferizajit 80-72. 

Tashmë skuadra gjakovare do të duhet të udhëtojë në Ferizaj, ku në Palestrën Bill Clinton duhet të mbrojë rezultatin e arritur nga ndeshja e parë, ashtu që të mbesë në elitë të basketbollit kosovar. 

Në anën tjetër, ferizajasit nuk dorëzohen assesi, pasi që pas paraqitjes së mirë në pjesën e parë të ndeshjes ndaj Vëllaznimit, shpresojnë se në palestrën vendase do të arrijnë fitore më të thellë ashtu që të hyjnë në BKT Superligë. 

Vëllaznimi kishte mposhtur Malishevën, ndërsa Kastrioti Futurën në gjysmëfinale të Play Outit për të kaluar në finale.

PLAY-OUT FINALJA - NDESHJA E PARË